وفاقی حکومت نے آئندہ مالی سال 2025-26کے بجٹ کیلئے ترقیاتی فنڈز کی حکمت عملی طے کرلی ہے۔
حکومت کی ترقیاتی فنڈز کی حکمت عملی
ذرائع کے مطابق، آئندہ مالی سال کے بجٹ کے لیے ترقیاتی فنڈز کی حکمت عملی کے تحت
نئے پی ایس ڈی پی میں 80 فیصد تک زیر تکمیل منصوبوں کی تکمیل کو ترجیح دینے کا فیصلہ کیا گیا ہے۔
تھروفارورڈ منصوبوں کی صورت حال
اس سال میں تھروفارورڈ منصوبوں کا حجم 10 ہزار ارب روپے تک پہنچ چکا ہے
جبکہ رواں سال کے ترقیاتی بجٹ کے برابر 10 گنا لاگت کے مساوی منصوبے زیر التوا ہیں۔
صوبائی منصوبوں کے لیے فنڈز
وفاقی حکومت آئندہ سال صوبائی منصوبوں کے لیے فنڈز مختص نہیں کرے گی۔
البتہ، قومی اقتصادی کونسل سے منظور شدہ کم ترقی یافتہ اضلاع کے لیے مخصوص فنڈز رکھے جائیں گے۔
مکمل بغیر فنڈز کی منصوبے
اس سال جن منصوبوں کو مکمل فنڈز فراہم کیے جا چکے ہیں
ان کے لیے آئندہ سال کوئی رقم مختص نہیں کی جائے گی۔
ترجیحات
حکومت کی ترجیحات میں برآمدات اور پیداوار کو بڑھانے کے ساتھ ہی ڈیجیٹل انفراسٹرکچر کی تعمیر بھی شامل ہے۔
آئندہ سال اڑان پاکستان کے ویژن کے تحت نئی منصوبوں کو ترجیح دی جائے گی
جبکہ کاروبار میں جدت اور تحقیق و ترقی کے منصوبوں کے لیے بھی فنڈز فراہم کیے جائیں گے۔
نئے منصوبوں کی درخواستیں
وزارت منصوبہ بندی نے نئے منصوبوں کے پی سی ون طلب کر لیے ہیں، جن کی آخری تاریخ 31 مارچ 2025 ہے۔
اس کے علاوہ، اقتصادی امور ڈویژن سے آئندہ دو سال کے لیے بیرونی فنڈنگ کا تخمینہ بھی طلب کیا گیا ہے
اور مالی سال 2026-27 اور 2027-28 کے ترقیاتی بجٹ کا تخمینہ بھی تیار کیا جائے گا۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔