بھارت کے اندرونی حملے اور اقلیتوں پر مظالم، پاکستان کی تشویش اور الزامات:
ترجمان پاک فوج لیفٹیننٹ جنرل احمد شریف چوہدری نے ایک پریس کانفرنس میں انکشاف کیا ہے کہ
بھارتی فوج نے اپنے ہی ملک کے اندر چھ بیلسٹک میزائل داغے ہیں، جن میں سے پانچ امرتسر اور ایک آدم پور کے علاقے میں گرا۔
ان حملوں کا مقصد بھارت میں آباد سکھ برادری کی بستیوں کو نشانہ بنانا تھا،
جس پر پاکستان کے فوجی ترجمان نے سخت تشویش کا اظہار کیا ہے۔ انہوں نے بتایا کہ رات گئے ہنگامی
پریس بریفنگ میں یہ تفصیلات سامنے آئیں کہ یہ حرکت بھارت کی جانب سے انتہائی حیران کن اور قابل مذمت ہے۔
انہوں نے الزام عائد کیا کہ بھارت کی اندرونی سازشوں کا مقصد اقلیتوں کو ہدف بنانا ہے،
خاص طور پر سکھ برادری کو ظلم و ستم کا سامنا ہے۔ انہوں نے اپنے مؤقف کا اعادہ کرتے ہوئے کہا کہ
پاکستان سکھ برادری کے ساتھ مکمل ہمدردی رکھتا ہے اور ان کے حقوق کے لیے کھڑا ہے۔
اس کے علاوہ، ترجمان نے بتایا کہ بھارت نے ننکانہ صاحب میں سکھوں کے مقدس مقام پر حملہ کرنے کی کوشش کی تھی،
جسے پاکستانی فورسز نے بروقت کارروائی کرکے ناکام بنا دیا۔ بھارت کے چھ ڈرونز کے ذریعے اس
حملے کی کوشش کی گئی تھی، مگر پاکستانی فورسز نے اسے روک دیا۔
لیفٹیننٹ جنرل احمد شریف چوہدری نے بھارت میں مسلمانوں اور دیگر اقلیتوں کے خلاف جاری مظالم پر
بھی روشنی ڈالی،
اور کہا کہ بھارت میں مسلمانوں کو کھلے عام قتل کی دھمکیاں دی جا رہی ہیں، اور اقلیتوں پر دباؤ بڑھ رہا ہے۔
انہوں نے مزید کہا کہ بھارت بین الاقوامی سطح پر دہشت گردی میں ملوث ہے اور نہ صرف پاکستان بلکہ امریکہ
کینیڈا
اور دیگر ممالک میں بھی دہشت گرد کارروائیوں میں ملوث ہے۔
پاکستان کو یہ بھی دعویٰ ہے کہ بھارت دہشت گردوں کو ہدایات دیتا ہے اور براہِ راست فوجی اہلکار بھی
دہشت گردوں کو ٹاسک دیتے ہیں، جن کے ثبوت موجود ہیں۔
