مارکیٹ سروے: روزمرہ اشیاء کی قیمتوں میں اتار چڑھاؤ:

زندہ مرغی اور گوشت کی قیمتیں :

مارکیٹ سروے کے مطابق، زندہ مرغی اور گوشت کی قیمتوں میں کوئی خاص فرق نہیں آیا اور یہ قیمتیں مستحکم رہیں۔

اس کے علاوہ، انڈے کی قیمت 240 روپے درجن تک پہنچ چکی ہے۔

گوشت کی قیمتوں میں اضافہ:

گائے کا گوشت 1100 روپے فی کلو کے حساب سے فروخت ہو رہا ہے،

جو کہ مقامی انتظامیہ کی مقرر کردہ قیمت سے زیادہ ہے۔ بونلیس گوشت 1300 روپے فی کلو میں بیچا جا رہا ہے،

جبکہ مٹن بیف کی قیمت 2500 روپے فی کلو تک پہنچ چکی ہے۔

چینی اور سبزیوں کی قیمتوں میں کمی اور اضافہ:

سروے کے مطابق، چینی کی قیمت میں پانچ روپے فی
کلو کمی ہوئی ہے اور اب یہ 170 روپے فی کلو کے

حساب سے دستیاب ہے، جو پچھلے ہفتے 165 روپے فی کلو تھی۔ سبزیوں میں،

ٹماٹر کی قیمت 50 سے 70 روپے فی کلو،
پیاز 70 سے 80 روپے فی کلو،
اور سبز مرچ 120 روپے فی کلو تک فروخت ہو رہی ہے۔

ادرک 800 روپے فی کلو
اور لہسن 400 سے 600 روپے فی کلو کے درمیان ہے،

جبکہ کچھ دکاندار خود ساختہ قیمتیں وصول کر رہے ہیں۔

دالوں اور چاول کی قیمتوں میں اضافہ:

دالوں میں،

ماش 480 روپے فی کلو
مسور 320 روپے
چنا 320 روپے
اور بیسن 420 روپے فی کلو تک پہنچ گئی ہے۔

چاول کی قیمتیں بھی مختلف اقسام کے مطابق 180 سے 320 روپے فی کلو کے درمیان ہیں۔

آٹے کی قیمتیں مستحکم:

آٹے کی قیمتیں نسبتاً مستحکم رہیں، 20 کلو کے تھیلے کی قیمت 1750 سے 1800 روپے کے درمیان ہے،

جبکہ لال آٹے کے تھیلے کی قیمت 1500 سے 1600 روپے ہے۔

پھلوں کی قیمتوں میں اضافہ:

پھلوں میں بھی قیمتیں بڑھ رہی ہیں۔

سیب 250 سے 500 روپے فی کلو
کیلے 200 سے 250 روپے فی درجن
انار 400 سے 500 روپے فی کلو،
اور آم 250 سے 300 روپے فی کلو کے بیچ فروخت ہو
رہے ہیں۔

سبزیوں میں اضافے کا رجحان:

سبزیوں میں بھی قیمتوں میں اضافہ دیکھا گیا ہے۔

مٹر 150 سے 180 روپے فی کلو
شملہ مرچ 150 روپے
بھنڈی 120 روپے
کچالو 150 سے 200 روپے
ٹینڈے
زچینی
بیگن
اور آروی کی قیمتیں بھی 100 سے 200 روپے فی کلو کے درمیان ہیں۔

بیوریجز کی قیمتیں مستحکم:

چائے کی قیمتیں بھی مستحکم رہیں،

مختلف برانڈز 1400 سے 1500 روپے فی کلو کے حساب سے دستیاب ہیں۔

مجموعی صورتحال اور مطالبات:

مجموعی طور پر،

روزمرہ استعمال کی اشیاء کی قیمتوں میں مسلسل اتار چڑھاؤ صارفین کے لیے مشکلات کا سبب بن رہا ہے۔

حکومت سے مطالبہ کیا گیا ہے کہ وہ اشیاء کی قیمتوں پر نظر رکھے اور قیمتوں میں استحکام

کے لیے اقدامات کرے تاکہ عوام کو مناسب قیمتوں پر اشیاء فراہم کی جا سکیں۔

تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔