چیمپئنز ٹرافی کی شاندار افتتاحی تقریب: عالمی ستاروں کی شرکت
شاہی قلعے میں رنگا رنگ تقریب کا انعقاد، پاکستان میں کرکٹ کا میلہ سج گیا
لاہور کے تاریخی شاہی قلعے کے گراؤنڈ میں چیمپئنز ٹرافی کی افتتاحی تقریب کا انعقاد کیا گیا،
جس میں آئی سی سی کے اعلیٰ عہدیداران، پاکستان کرکٹ بورڈ (پی سی بی) کے ذمہ داران اور نامور قومی و بین الاقوامی کرکٹرز نے شرکت کی۔
تقریب میں کرکٹ کے رنگ بکھرے ہوئے تھے۔
تقریب میں نمایاں شخصیات کی آمد
تقریب میں آئی سی سی کے چیف ایگزیکٹیو جیف ایلر ڈائس،
پی سی بی کے چیئرمین محسن نقوی،
صوبائی وزیر کھیل فیصل ایوب کھوکھر، اور
پنجاب اسمبلی کے اسپیکر ملک احمد خان
سمیت کئی اہم شخصیات نے شرکت کی۔
اس کے علاوہ، پی سی بی کے مشیر عامر میر، سابق کرکٹر وہاب ریاض،
اور 2017 میں چیمپئنز ٹرافی جیتنے والی قومی ٹیم کے کھلاڑی
سرفراز احمد،
جنید خان، حسن علی،
اظہر علی، محمد عامر،
شاداب خان، عماد وسیم اور
حارث سہیل بھی موجود تھے۔
سابق جنوبی افریقی بلے باز جے پی ڈومنی اور
نیوزی لینڈ کے فاسٹ باؤلر ٹم ساؤتھی نے بھی تقریب میں شرکت کی۔
چیئرمین پی سی بی محسن نقوی کا خطاب
تقریب سے خطاب کرتے ہوئے چیئرمین پی سی بی محسن نقوی نے کہا کہ قذافی اسٹیڈیم کو آئی سی سی چیمپئنز ٹرافی کے لیے تیار کر لیا گیا ہے۔
انہوں نے اسے پاکستان کے لیے ایک تاریخی موقع قرار دیا، اور
کہا کہ ایک نسل اس طرح کے عالمی مقابلوں سے محروم رہی۔
انہوں نے کہا کہ چار ٹیمیں پہلے ہی پاکستان پہنچ چکی ہیں،
جن میں افغانستان، نیوزی لینڈ، جنوبی افریقہ اور پاکستان شامل ہیں۔
باقی ٹیمیں اگلے 48 گھنٹوں میں پہنچ جائیں گی۔
آئی سی سی کے چیف ایگزیکٹو جیف ایلڈائس کا اظہار خیال
آئی سی سی کے چیف ایگزیکٹو جیف ایلڈائس نے کہا کہ اگلے دو ہفتوں تک شائقین کو بہترین کرکٹ دیکھنے کو ملے گی۔
انہوں نے کہا کہ پاکستان کے پاس کرکٹ سے اپنی محبت کا اظہار کرنے کا بہترین موقع ہے، اور
انہوں نے 2017 میں اوول میں پاکستان ٹیم کو چیمپئنز ٹرافی جیتتے ہوئے دیکھا تھا۔
انہوں نے قذافی اسٹیڈیم اور نیشنل اسٹیڈیم کراچی کی جدید صورت حال پر خوشی کا اظہار کیا،
اور کہا کہ قذافی اسٹیڈیم کی 117 دن میں تکمیل ایک بڑا کارنامہ ہے۔
سرفراز احمد کا خطاب: چیمپئنز ٹرافی کے سفیر کا جذبہ
چیمپئنز ٹرافی کے سفیر اور سابق کپتان سرفراز احمد نے کہا کہ وہ سب کو خوش آمدید کہتے ہیں۔
انہوں نے کہا کہ 2017 میں چیمپئنز ٹرافی جیتنا ایک یادگار لمحہ تھا، اور اب یہ ایونٹ پاکستان میں ہو رہا ہے۔
انہوں نے کہا کہ فائنل میں بھارت کو شکست دینا ایک ناقابل فراموش تجربہ تھا، اور واپسی پر لوگوں نے ان کا شاندار استقبال کیا۔
انہوں نے کہا کہ پاکستانی کرکٹ ٹیم بہت مقبول ہے، اور یہ ٹیم کبھی بھی دوبارہ کھڑی ہو سکتی ہے۔
ٹم ساؤتھی کی گفتگو
افتتاحی تقریب میں نیوزی لینڈ کے کرکٹر ٹم ساؤتھی نے کہا کہ نیوزی لینڈ کی ٹیم پاکستان میں اچھے کھیل کا مظاہرہ کر رہی ہے۔
انہوں نے کہا کہ چیمپئنز ٹرافی میں کسی بھی میچ کو آسان نہیں لیا جا سکتا،اور ہر میچ کو اہم سمجھ کر کھیلنا ہو گا۔