پاکستان کا رئیل ایفیکٹو ایکسچینج ریٹ اپریل 2025 میں کم ہوکر 99.42 پر پہنچ گیا:
رواں سال اپریل کے دوران، پاکستان کا رئیل ایفیکٹو ایکسچینج ریٹ (ریئر) 101.55 کی سطح سے کم ہوکر
99.42 تک آگیا ہے، جو مارچ 2025 میں نظرثانی شدہ 101.55 پر تھا۔
ریئر کا 100 سے زائد ہونا اس بات کی نشاندہی کرتا ہے کہ ملک کی برآمدات غیر مسابقتی ہیں اور
درآمدات سستی ہیں۔ تاہم، جب یہ انڈیکس 100 سے نیچے ہوتا ہے، تو اس کا مطلب برعکس ہوتا ہے،
یعنی برآمدات مسابقتی ہیں اور درآمدات مہنگی ہوتی ہیں۔
اسٹیٹ بینک آف پاکستان کے اعدادوشمار کے مطابق،
اپریل 2025 کے دوران ریئر میں ماہانہ بنیادوں پر 2.1 فیصد کمی دیکھی گئی۔
اس کے علاوہ، اپریل 2024 کے مقابلے میں ریئر 4.8 فیصد کم ہوکر 104.44 سے نیچے آ گیا ہے۔
اسٹیٹ بینک نے وضاحت کی ہے کہ 100 کا ریئر انڈیکس کسی غلط فہمی کا سبب نہیں بننا چاہیے،
کیونکہ یہ کرنسی کے توازن اور قدر کی صحیح عکاسی کرتا ہے۔
اسی دوران، نومینل ایفیکٹو ایکسچینج ریٹ (نیئر) اپریل 2025 میں ماہانہ بنیاد پر 1.06 فیصد کی کمی
کے ساتھ 38.12 کی عبوری سطح پر پہنچ گیا، جو مارچ 2025 کے نظرثانی شدہ 38.53 سے کم ہے۔
سالانہ بنیادوں پر،
نیئر انڈیکس اپریل 2024 میں 39.29 سے کم ہوکر 2.97 فیصد کی کمی کے ساتھ 38.12 پر آ گیا ہے۔