ایشیاءکپ 2025: بھارت اور پاکستان کے درمیان کشیدگی کے باوجود مقابلہ جاری رہنے کا امکان:
پاکستان اور بھارت کے درمیان جاری سرحدی تناؤ کے باوجود،
بھارتی کرکٹ ٹیم ایشیاکپ ایونٹ میں شرکت کرے گی۔ میڈیا رپورٹس کے مطابق،
ٹی20 ورلڈکپ سے قبل ہونے والے اس مقابلے کا لطف اٹھانے کے لیے مداحوں کے لیے خوشخبری ہے کیونکہ
ایشیاکپ 2025 میں بھارت اور پاکستان روایتی حریف ایک دوسرے کے سامنے آئیں گے۔
اس ایونٹ کی میزبانی متحدہ عرب امارات کرے گا، تاہم میزبانی کے حقوق بھارت کے پاس ہی رہیں گے۔
مزید برآں، اگر کسی وجہ سے پاکستان یا بھارت ایونٹ سے دستبردار ہوتا ہے، تو اس کا اثر میڈیا
حقوق پر بھی پڑ سکتا ہے، جو ایک اندازے کے مطابق 170 ملین ڈالر میں فروخت ہو چکے ہیں۔
ایسوسی ایشن آف ایشین کرکٹ کونسل (اے سی سی) نے صورتحال کو مدنظر رکھتے ہوئے فیصلہ کیا
ہے کہ ٹورنامنٹ کو کسی غیرجانبدار مقام پر منتقل کیا جائے تاکہ پیچیدگیوں سے بچا جا سکے۔
اگر یہ ایونٹ متحدہ عرب امارات منتقل ہوتا ہے،
تو یہ چوتھی بار ہوگا کہ یو اے ای ایشیاکپ کی میزبانی کرے گا۔
اس سے قبل 1984، 1995، اور 2018 میں وہاں یہ مقابلہ منعقد ہو چکا ہے۔
رواں سال یہ ایونٹ ٹی20 فارمیٹ میں ہوگا، جس کا مقصد 2026 کے ٹی20 ورلڈکپ کی تیاری ہے۔
ایشیاکپ 2025 کا انعقاد ستمبر میں متوقع ہے، مگر حتمی شیڈول ابھی تک جاری نہیں ہوا۔
