ثنا جاوید اور شعیب ملک کی عید کی تصاویر نے سب کی توجہ سمیٹ لی
اداکارہ ثنا جاوید اور سابق قومی کرکٹر شعیب ملک کی عید کی خوبصورت تصاویر سوشل میڈیا پر وائرل:
اداکارہ ثنا جاوید اور سابق قومی کرکٹ کپتان شعیب ملک نے عیدالاضحیٰ کی خاص لمحے اپنے
سوشل میڈیا اکاؤنٹس پر شیئر کیے ہیں، جنہوں نے دیکھنے والوں کا دل جیت لیا ہے۔
دونوں نے دبئی سے عید کے پہلے دن کی تصاویر پوسٹ کیں،
جن میں وہ روایتی لباس میں مسکراتے ہوئے نظر آ رہے ہیں۔
ثنا جاوید نے عید کے موقع پر ہلکے گلابی رنگ کا سلک کا بلاک پرنٹ کا لباس زیب تن کیا،
جب کہ شعیب ملک نے سرمئی رنگ کی روایتی شلوار قمیص پہنی۔
اس موقع پر دونوں نے اپنے مداحوں کو عید مبارک بھی دی۔
یاد رہے کہ ثنا جاوید نے اپنے اداکاری کے سفر کا آغاز ڈراموں "پیارے افضل”، "ذرا یاد کر” اور "خانی” سے کیا۔
پچھلے چند سالوں میں ان کی ذاتی زندگی خبروں میں رہتی رہی،
خاص طور پر گلوکار عمیر جسوال سے علیحدگی اور بعد میں شعیب ملک سے شادی کے بعد۔
بعض اوقات ان پر تنقید بھی کی گئی۔ اس سال رمضان میں ایک شو کے دوران ثنا کی ایک ویڈیو
وائرل ہوئی، جس پر ان کے ممکنہ حمل کا بھی قیاس کیا گیا،
لیکن دونوں کی جانب سے اس بارے میں کوئی رسمی اعلامیہ جاری نہیں کیا گیا۔
