سنجے دت کی ہارر کامیڈی فلم ’بھوتنی‘ مداحوں کو متاثر کرنے میں ناکام
فلم ’دی بھوتنی‘ کی ریلیز ایک ناکام کوشش:
سنجے دت، مونی رائے، پلک تیواری اور سنی سنگھ کی نئی ہارر کامیڈی فلم ’دی بھوتنی‘ 1 مئی 2025 کو سینما گھروں میں نمائش کے لیے پیش کی گئی۔
اگرچہ یہ فلم مزاح اور خوف کا ملا جلا امتزاج پیش کرنے کی کوشش کرتی ہے، مگر شائقین اور
ناقدین کی طرف سے اسے خاطر خواہ پذیرائی نہیں ملی۔ کہانی کے مرکزی کردار شانتا نو (سنی سنگھ)
کے گرد گھومتی ہے، جو محبت میں ناکامی کے بعد ایک جادوی درخت کے نیچے خودکشی کرنے کی
کوشش کرتا ہے، اور اس کے بعد اس کی زندگی ایک پراسرار صورت اختیار کر لیتی ہے۔
فلم میں کالج میں ایک اور طالب علم کی خودکشی کے بعد کالج انتظامیہ ایک ماہر روحانی شخصیت،
بابا (سنجے دت) کو مدعو کرتی ہے، جو کہ سابق طالب علم رہ چکے ہیں۔ فلم میں کامیڈی اور ہارر کا
امتزاج کرنے کی کوشش کی گئی ہے، لیکن مجموعی طور پر کہانی کمزور اور اسکرین پلے غیر مربوط محسوس ہوتا ہے۔
ناقدین کا کہنا ہے کہ موسیقی، پس منظر اور ویژول ایفیکٹس توقعات پر پورا نہیں اتر سکے۔
اداکاری کے لحاظ سے بھی سنجے دت، مونی رائے اور دیگر اداکاروں کی کارکردگی شائقین کو
متاثر کرنے میں کامیاب نہ ہو سکی۔ اس کے پہلے دن کی ریلیز کے بعد، فلم کی ناکامی کے امکانات ظاہر کیے جا رہے ہیں۔
