ایف بی آر کا ٹیکس آڈٹ کا وسیع منصوبہ:
بیرونی ماہرین کی مدد سے جانچ پڑتال کا عمل تیز:
فیڈرل بورڈ آف ریونیو (ایف بی آر) نے رجسٹرڈ انکم ٹیکس اور سیلز ٹیکس دہندگان کی بڑے پیمانے پر جانچ پڑتال کا فیصلہ کیا ہے۔
اس سلسلے میں ایف بی آر مختلف طریقوں سے آڈٹ کرے گا جن میں
ڈیسک آڈٹ
تفتیشی آڈٹ
فرانزک آڈٹ
اور فیلڈ آڈٹ شامل ہیں۔
اس کام کے لیے ایف بی آر بیرونی آڈیٹرز کی خدمات حاصل کرے گا۔
اس مقصد کے لیے ایف بی آر نے تھرڈ پارٹی آڈیٹرز کے لیے ایک تفصیلی آڈٹ منصوبہ جاری کیا ہے۔
یہ نیا منصوبہ ایف بی آر کے جاری اصلاحاتی پروگرام کا حصہ ہے۔
ایف بی آر کے جاری کردہ نوٹیفکیشن کے مطابق،
ان لینڈ ریونیو (آئی آر) اصلاحاتی منصوبے کی منظوری کے بعد، آڈٹ کی صلاحیت اور معیار کو
بہتر بنانے کے لیے تھرڈ پارٹی آڈیٹرز کی مدد لی جا رہی ہے۔ ایف بی آر نے ان آڈیٹرز کی ذمہ داریوں،
کارکردگی کے اہم اشاریوں (KPIs)، کارکردگی کی جانچ کے فارمز،
کارکردگی کے انتظام کے طریقہ کار اور فلو چارٹس کی وضاحت کی ہے۔
ایک اور نوٹیفکیشن میں ایف بی آر نے بتایا ہے کہ آئی آر اصلاحاتی منصوبے کی منظوری کے بعد،
آڈٹ کی صلاحیت اور معیار کو مزید بہتر بنانے کے لیے آڈٹ مینٹورز اور انڈسٹری ایکسپرٹس کی
خدمات بھی حاصل کی جا رہی ہیں۔ بورڈ نے ان آڈٹ مینٹورز اور انڈسٹری ایکسپرٹس کے لیے بھی
جاب ڈسکرپشنز، کلیدی کارکردگی اشاریے (KPIs)، کارکردگی کی جانچ کے فارمز،
کارکردگی کے انتظام کے طریقہ کار اور متعلقہ فلو چارٹس جاری کیے ہیں۔
ایف بی آر کے مطابق،
آڈیٹرز کے لیے مقرر کردہ کلیدی کارکردگی اشاریوں میں 40 فیصد وزن کارکردگی یا پیداواریت کو دیا گیا ہے۔
آڈٹ کے معیار کو 30 فیصد وزن دیا گیا ہے، جبکہ باقی 30 فیصد رویے،
جیسے کہ باریک بینی، احتساب، شفافیت اور نظم و ضبط پر مشتمل ہے۔
ایف بی آر کے آڈٹ پلان کے مطابق،
آڈیٹرز یونٹ افسر کی مدد سے جامع ڈیسک آڈٹ، تحقیقاتی آڈٹ، فرانزک آڈٹ اور فیلڈ آڈٹ کریں گے۔
اس کا مقصد ٹیکس چوری، بے ضابطگیوں اور زیادہ خطرے والے شعبوں کی نشاندہی کرنا ہے۔
آڈیٹرز کی ذمہ داریوں میں تفصیلی آڈٹ رپورٹس تیار کرنا اور ٹیکس ادائیگیوں کی نگرانی شامل ہے۔
تازہ ترین اپڈیٹس کے لیے ڈے نیوز کو گوگل نیوز، انسٹاگرام، یوٹیوب، فیس بک، واٹس ایپ اور ٹک ٹاک پر فالو کریں۔
