ایئر کراچی اور پی آئی اے کے درمیان طیارہ نگہداشت کا معاہدہ حتمی شکل:
پاکستان انٹرنیشنل ایئرلائنز (پی آئی اے) اور کراچی کی کاروباری برادری کی جانب سے قائم کردہ
ایئرلائن، ایئر کراچی، کے مابین طیاروں کی دیکھ بھال سے متعلق معاہدہ مکمل ہو گیا ہے۔
اس معاہدے کے مطابق،
ایئر کراچی پی آئی اے کو انجینئرنگ خدمات اور مینٹیننس، ریپئر اور اوور ہال (ایم آر او) کے شعبے
میں خدمات فراہم کرے گا۔ اس اہم معاہدے پر پی آئی اے کے سی ای او، ایئر وائس مارشل عامر حیات، ایئر
کراچی کے چیئرمین حنیف گوہر، اور ایئر مارشل (ر) عمران مجید نے دستخط کیے۔
یاد رہے کہ نومبر 2024 میں کراچی کی تجارتی کمیونٹی نے نئی ایئرلائن، ایئر کراچی کے آغاز کا
اعلان کیا تھا، جس کے لیے ابتدائی طور پر 5 ارب روپے کی سرمایہ کاری کی گئی ہے۔
یہ اعلان حنیف گوہر نے کراچی پریس کلب کے دورے کے دوران کیا،
جہاں ان کے ہمراہ یونائیٹڈ بزنس گروپ کے چیئرمین ایس ایم تنویر بھی موجود تھے۔
اس وقت تک، ایئر کراچی نے اپنی پروازیں شروع نہیں کی ہیں۔
مزید پڑھیے:
حکومت کا بجٹ میں ایف بی آر کے اندر بڑی ڈیجیٹل تبدیلی کا منصوبہ پیش
