بابل خان کی زاروقطار روتے ہوئے ویڈیو وائرل، انسٹاگرام اکاؤنٹ بھی ڈیلیٹ کر دیا
بالی ووڈ پر بابل خان کا جذباتی دھماکہ، انسٹاگرام اکاؤنٹ بھی بند کر دیا گیا:
بالی ووڈ کے مرحوم لیجنڈ اداکار عرفان خان کے صاحبزادے اور خود بھی فلمی دنیا میں قدم
رکھنے والے بابل خان نے سوشل میڈیا پر اپنی ایک ویڈیو کے ذریعے ہلچل مچا دی ہے۔
اس ویڈیو میں انہیں روتے ہوئے بالی ووڈ انڈسٹری اور اس سے وابستہ افراد پر غصے کا اظہار کرتے دیکھا گیا۔
بابل خان نے یہ ویڈیو پہلے اپنی انسٹاگرام اسٹوری پر شیئر کی تھی، لیکن جلد ہی اسے ہٹا دیا گیا
اور اس کے بعد ان کا پورا انسٹاگرام اکاؤنٹ بھی بند کر دیا گیا۔
ویڈیو میں بابل خان واضح طور پر پریشان اور جذباتی دکھائی دے رہے ہیں۔
انہوں نے بالی ووڈ کو ایک "فضول” اور "جھوٹی” دنیا قرار دیا،جہاں زیادہ تر لوگ صرف بناوٹ کرتے ہیں۔
انہوں نے کئی مشہور ہستیوں کے نام لے کر ان پر سخت الفاظ میں تنقید کی،
جن میں
اننیا پانڈے
شنایا کپور
ارجن کپور
سدھانت چترویدی
راگھو جویال
آدرش گورو اور گلوکار اریجیت سنگھ شامل تھے۔
بابل خان نے کہا، "میں صرف یہ کہنا چاہتا ہوں کہ یہ سب لوگ،
ہاں شنایا،
اننیا،
ارجن،
سدھانت، راگھو،
آدرش،
اور اریجیت بھی…
یہ سب بہت بدتمیز ہیں۔ بالی ووڈ ایک بہت ہی بری جگہ ہے۔”
اس ویڈیو کے سامنے آتے ہی سوشل میڈیا پر صارفین کی جانب سے شدید ردعمل سامنے آیا۔
بہت سے لوگوں نے بابل خان کی ذہنی صحت پر تشویش کا اظہار کیا،
جبکہ کچھ نے بالی ووڈ کی
"منافقت” اور "دکھاوے کے پیچھے چھپی حقیقت” پر تنقید کی۔
ویڈیو کے وائرل ہونے کے چند گھنٹوں کے اندر ہی بابل خان نے اپنا انسٹاگرام اکاؤنٹ بھی ڈیلیٹ کر دیا،
جس سے یہ اندازے لگائے جا رہے ہیں کہ وہ کسی ذاتی یا پیشہ ورانہ مشکل کا سامنا کر رہے ہیں۔
یہاں یہ بات قابل ذکر ہے کہ بابل خان نے حال ہی میں ایک فلم "لاگ آؤٹ” میں کام کیا ہے، جس کا موضوع
ڈیجیٹل دنیا کی دوڑ، ذہنی دباؤ اور شہرت کی اصلیت ہے۔ اس فلم میں ان کا کردار بھی ایک ایسے
سوشل میڈیا انفلوئنسر کا ہے جو فالوورز کے جنون میں اپنی شناخت کھو دیتا ہے۔
ابھی تک بابل خان یا ان کی ٹیم کی جانب سے اس ساری صورتحال پر کوئی بیان سامنے نہیں آیا ہے،
تاہم سوشل میڈیا پر بابل کے لیے ہمدردی اور حمایت کا سلسلہ جاری ہے۔
