ایرانی میزائل حملوں کے جواب میں اسرائیل کی کارروائیاں:
شمالی اسرائیل میں حملہ، اور شہریوں کی ہنگامی حالت:
اسرائیلی ہنگامی خدمات نے ہفتہ کے روز اطلاع دی کہ ایران کے ایک میزائل نے شمالی اسرائیل کے علاقے
گلیل میں حیفا کے قریب ایک مکان کو نشانہ بنایا، جس کے نتیجے میں 14 افراد زخمی ہوئے ہیں،
جن میں سے ایک کی حالت نازک ہے۔ اسرائیلی ایمرجنسی ادارے ”میگن ڈیوڈ ایڈوم“ کے مطابق،
ویسٹرن گلیل میں ایک دو منزلہ گھر پر میزائل گرنے کے بعد امدادی ٹیموں نے زخمیوں کی تعداد بتائی ہے،
جن میں سے ایک کی حالت تشویشناک ہے اور باقی افراد کو مختلف چوٹیں آئیں ہیں۔
دریں اثنا، ساحلی شہر تل ابیب میں سائرن بجنے کے بعد لوگ حفاظتی کمیونٹی بم شیلٹرز میں پناہ لینے لگے۔
یروشلم اور مغربی کنارے کے الخلیل شہر میں بھی ایرانی میزائلوں نے آسمان روشن کیا،
جن میں سے کئی میزائل اسرائیلی فضائی دفاعی نظام نے روک لیے۔
فوجی الرٹس کے دوران شہری فوری طور پر پناہ لینے کے لیے نکلے،
اور کئی لوگوں نے سرخ اشارے پر گاڑیاں روکے بغیر سڑکیں عبور کیں۔
اسرائیلی فوج نے صحافیوں کو میزائل حملوں کی تصاویر اور درست مقامات کی نشاندہی سے روکنے
کے لیے سنسر شپ نافذ کی ہے۔ جمعہ کو کیے گئے ایرانی حملوں میں 3 افراد ہلاک اور درجنوں زخمی
ہوئے، جن کا تعلق ایرانی ڈرون اور میزائل حملوں سے ہے، جن کا مقصد اسرائیل کے اندر فوجی اور شہری
تنصیبات کو نشانہ بنانا تھا۔ اسرائیلی فوج نے بتایا کہ ہفتہ کے روز بھی اپنی فضائی کارروائیاں جاری
رکھتے ہوئے، اس نے تہران اور مغربی ایران میں ایک زیرِ زمین تنصیب پر حملہ کیا ہے،
تاکہ ایرانی دفاعی نظام کو کمزور کیا جا سکے۔
یہ حملے ایران کے پہلے مرحلے کے فوجی اور جوہری تنصیبات کو نشانہ بنانے کے لیے کیے گئے تھے،
جن کے جواب میں اسرائیل نے ایران کے متعدد فوجی اور حساس مقامات پر حملے کیے ہیں۔
