پاکستانی فلم’لو گُرو‘ نے 55 کروڑ روپے کما لیے
لو گُرو‘ عید الاضحیٰ پر ریلیز ہوکر کامیابی کی نئی تاریخ رقم کر رہا ہے:
عید الاضحیٰ کے موقع پر ریلیز ہونے والی رومانوی اور مزاح سے بھرپور پاکستانی فلم ’لو گُرو‘ نے 55 کروڑ روپے کا زبردست بزنس حاصل کر لیا ہے۔
یہ فلم نہ صرف ملک بھر میں بلکہ عالمی سطح پر بھی شائقین کی جانب سے بھرپور پذیرائی حاصل کر
رہی ہے، اور تیزی سے سال کی سب سے زیادہ کمائی کرنے والی پاکستانی فلموں میں شامل ہورہی ہے۔
فلم کو ملک کے 60 سے زیادہ سینما گھروں میں نمائش کے لیے پیش کیا گیا ہے،
جہاں بڑی تعداد میں ناظرین اسے دیکھنے کے لیے آنے پر مجبور ہیں۔ فلم کی شوٹنگ لندن میں ہوئی ہے،
جس میں اداکارہ ماہرہ خان ایک خوبصورت اور فنونِ لطیفہ سے دلچسپی رکھنے والی لڑکی کے کردار میں
نظر آئیں، جب کہ ہمایوں سعید ایک ایسے کردار میں دکھائی دیتے ہیں جو مختلف لڑکیوں کو اپنے عشق کے
جال میں پھنسانے کا ہنر جانتے ہیں۔ ہدایت کار ندیم بیگ کی رہنمائی میں بننے والی اس فلم کی کہانی
معروف مصنف واسع چوہدری نے تحریر کی ہے، اور اس کے مرکزی کردار ہمایوں سعید اور ماہرہ خان نے
ادا کیے ہیں۔ ’لو گُرو‘ کو آرمی فلمز کے تحت ریلیز کیا گیا ہے،
جس میں رومانس کے ساتھ ساتھ پشتو اور پنجابی زبان کے طنزیہ اور
مزاحیہ عناصر بھی شامل ہیں، جو ناظرین کو خاصے محظوظ کر رہے ہیں۔
فلم کے سازندگان کا کہنا ہے کہ ’لو گُرو‘ کو شائقین سے زبردست ردعمل مل رہا ہے،
اور اس کی کامیابی لالی وڈ سینما کی بحالی کے لیے ایک مثبت پیغام ہے۔ اب تک،
اس فلم نے مجموعی طور پر 55 کروڑ روپے کا بزنس کیا ہے،
جس میں 29 کروڑ روپے پاکستان میں اور 26 کروڑ روپے دنیا بھر میں کمائے گئے ہیں۔
