عاطف اسلم اور نصرت فتح علی خان کے وی ایف ایکس مکسچر گانے نے دل جیت لیے
عاطف اسلم اور نصرت فتح علی خان کا وی ایف ایکس گانا مداحوں کی توجہ کا مرکز بن گیا:
مقبول پاکستانی گلوکار عاطف اسلم اور مرحوم لیجنڈری قوال و موسیقار استاد نصرت فتح علی خان
کی آوازوں کا ایک منفرد امتزاج، جسے ‘وژوئل افیکٹس’ (وی ایف ایکس) ٹیکنالوجی کے ذریعے ممکن بنایا گیا ہے، مداحوں میں بے حد مقبول ہو رہا ہے۔
عاطف اسلم نے نصرت فتح علی خان کو خراج تحسین پیش کرتے ہوئے ان کے مشہور گانے
‘سانوں اک پل چین نہ آوے’ کو اپنی آواز میں گایا ہے۔ اس نئے ورژن میں، مرحوم قوال کی اصلی آواز کو
بھی وی ایف ایکس کے ذریعے عاطف اسلم کی آواز کے ساتھ شامل کیا گیا ہے،
جو شائقین کے لیے ایک شاندار تحفہ ثابت ہوا ہے۔
یہ گانا ‘ویلو اسٹیشن’ کے تحت ریلیز کیا گیا ہے، جس کی پروڈکشن بلال لاشاری اور عمارہ حکمت نے کی ہے۔
سرمد غفور نے گانے کی پروڈکشن اور مکسنگ میں اہم کردار ادا کیا ہے،
جبکہ اسے انسائیکلو میڈیا لاشاری فلمز کے بینر تلے پیش کیا گیا ہے۔
‘سانوں اک پل چین نہ آوے’ اصل میں دو دہائیوں قبل نصرت فتح علی خان نے خود گایا تھا اور اس کی
موسیقی اور شاعری بھی انہوں نے ہی ترتیب دی تھی۔ اس نئے گانے کی خاص بات یہ ہے کہ اس میں
استاد نصرت فتح علی خان کی حقیقی آواز کو وی ایف ایکس ٹیکنالوجی کے ذریعے شامل کیا گیا ہے۔
گانے کو سنتے ہوئے ایسا محسوس ہوتا ہے جیسے دونوں فنکاروں نے ایک ساتھ اس گانے کو دوبارہ
ریکارڈ کروایا ہو،
حالانکہ یہ دراصل دونوں کی آوازوں کو وی ایف ایکس ٹیکنالوجی کی مدد سے ملایا گیا ہے۔
گانے کی ریلیز کے بعد صارفین نے خوشگوار حیرت کا اظہار کیا ہے اور اس منفرد کام پر پروڈیوسرز کی
تعریف کی ہے۔ مداحوں نے اس گانے کو ایک قیمتی اور یادگار تحفہ قرار دیا ہے۔
