ایرانی فضائیہ کا جدید خودکش ڈرون "شاہد-107” کا انکشاف اور اس کی ممکنہ اثرات:
ایرانی پاسدارانِ انقلاب کی ایئروسپیس فورس نے پیر کے روز اپنے سب سے جدید خودکش ڈرون
"شاہد-107” کو باضابطہ طور پر منظر عام پر لایا ہے، جس کا مقصد دشمن کے اہداف کو نشانہ بنانا ہے۔
ایرانی میڈیا کے مطابق
یہ بغیر پائلٹ کے فضائی ہتھیار طویل فاصلے تک مار کرنے کی صلاحیت رکھتا ہے اور دشمن کے دفاعی
نظام کو چکمہ دینے کے لیے تیار ہے۔ جاری کردہ تصاویر کے مطابق شاہد-107 ایک پسٹن انجن سے
لیس ہے، جو اسے 1500 کلومیٹر سے زیادہ فاصلے تک پرواز کرنے کا موقع فراہم کرتا ہے،
جو خطے میں کسی بھی دشمن ہدف تک پہنچنے کے لیے کافی تصور کیا جا رہا ہے۔
ایک حالیہ تصویر میں ایرانی ساختہ ایک ڈرون کو دیکھا گیا ہے جو شاہد-107 سے مشابہت رکھتا ہے
اور اسے اسرائیل کے زیرِ قبضہ علاقوں میں موجود arrow 3 ایئر ڈیفنس میزائل سسٹم کے قریب حالت
میں دکھایا گیا ہے۔ اگر اس کی تصدیق ہوتی ہے، تو یہ ایران کی ڈرون ٹیکنالوجی میں ایک اہم قدم ہوگا
اور یہ صیہونی ریاست کے جدید اور کثیر پرتوں والے دفاعی نظام میں خلل ڈالنے کی صلاحیت رکھتا ہے۔
ماہرین کا کہنا ہے کہ اگر شاہد-107 جیسی ڈرونز کو جتھوں کی صورت میں استعمال کیا جائے،
تو یہ اسرائیل کے دفاعی ڈھانچے کو شدید نقصان پہنچا سکتے ہیں اور اس کے ردعمل کی صلاحیت کو
کمزور کر سکتے ہیں۔ یہ پیش رفت اس وقت سامنے آئی ہے جب ایران اور اسرائیل کے درمیان کشیدگی
میں اضافہ ہو رہا ہے، اور دونوں ممالک کے درمیان فوجی طاقت کے مظاہرے جاری ہیں۔
