پی آئی اے کا لاہور سے باکو کے لیے نئی براہِ راست پرواز کا آغاز:
پاکستان انٹرنیشنل ایئرلائنز (پی آئی اے) نے اتوار کے روز لاہور سے باکو کے لیے براہِ راست پرواز کا آغاز کیا ہے، جو اس کے بین الاقوامی نیٹ ورک میں ایک بڑی توسیع کی علامت ہے۔
افتتاحی پرواز کی تفصیلات:
وزارت ہوابازی کے جاری کردہ اعلامیے کے مطابق
افتتاحی پرواز، پی کے 159، علامہ اقبال انٹرنیشنل ایئرپورٹ سے صبح 11:50 بجے روانہ ہوئی۔
اس خاص موقع پر وزیر دفاع خواجہ محمد آصف کی قیادت میں ایک تقریب بھی منعقد کی گئی۔
تقریب کی اہمیت:
یہ تقریب آذربائیجان کے پاکستان میں سفیر خضر فرہادوف کی شرکت سے بھی سجی،
جس سے اس نئی فضائی راہداری کی سفارتی اہمیت سامنے آئی۔
وزیر دفاع کا اظہار خیال:
اپنے خطاب میں وزیر دفاع نے اس نئی فضائی روٹ کو وسطی ایشیا کے ساتھ روابط بڑھانے کی ایک اہم پیشرفت قرار دیا،
اور کہا کہ یہ پرواز "سیاحت، تجارت اور ثقافتی تبادلے کے نئے مواقع فراہم کرے گی۔”
سفیر فرہادوف کا موقف:
سفیر فرہادوف نے بھی وزیر دفاع کے خیالات کی تائید کی، جس کو دو طرفہ تعاون اور عوامی رابطوں کو مزید مضبوط بنانے کی بنیاد قرار دیا۔
پی آئی اے کی پالیسی اور مستقبل کے منصوبے:
لاہور- باکو سروس پی آئی اے کی وسیع تر حکمت عملی کا ایک حصہ ہے، جس کا مقصد عالمی سطح پر
اپنی موجودگی کو بحال کرنا اور علاقائی سفر کی بڑھتی ہوئی طلب کو پورا کرنا ہے۔
ایئرلائن مسافروں کی آمد و رفت کی بنیاد پر مستقبل میں پروازوں کی ایڈجسٹمنٹ کا ارادہ رکھتی ہے۔
بین الاقوامی رابطوں میں وسعت:
بیان میں کہا گیا ہے کہ اس نئے روٹ کا آغاز قومی ایئرلائن کی بین الاقوامی نیٹ ورک کو وسعت دینے
اور پاکستان اور وسطی ایشیا کے درمیان روابط کو مزید مستحکم کرنے کی حکمت عملی میں ایک اہم سنگ میل ہے۔
دوطرفہ تعلقات کی عکاسی:
یہ اقدام پاکستان اور آذربائیجان کے درمیان بڑھتے ہوئے سفارتی اور اقتصادی تعلقات کی عکاسی کرتا ہے،
جس کا مقصد سیاحت، تجارت اور لوگوں کے درمیان روابط کو فروغ دینا ہے۔
