حج 2025 کی تیاریوں کا اجلاس:
کراچی: حج 2025 کی تیاریوں کے حوالے سے اجلاس مکمل کر لیا گیا ہے۔
29 اپریل سے کراچی ایئرپورٹ پر مخصوص کاؤنٹرز کے ذریعے عازمین حج کے لیے سعودی امیگریشن کلیئرنس کا آغاز ہوگا۔
اس سلسلے میں سعودی امیگریشن ٹیم روڈ ٹو مکہ پروگرام کے تحت کراچی پہنچی ہے۔
سعودی امیگریشن ٹیم کی آمد:
پاکستان ایئرپورٹس اتھارٹی کے ترجمان کے مطابق،
جناح انٹرنیشنل ایئرپورٹ کراچی کے لیے مختص سعودی امیگریشن حکام اسلام آباد سے کراچی پہنچ چکے ہیں،
جہاں ایئرپورٹ انتظامیہ نے ان کا پرتپاک خیرمقدم کیا۔
امیگریشن کا عمل:
روڈ ٹو مکہ پروگرام کے تحت سعودی امیگریشن ٹیم 29 اپریل کو کراچی سے پہلی حج پرواز کی روانگی کے ساتھ ہی،
8 مخصوص کاونٹرز پر عازمین حج کے لیے سعودی امیگریشن کی کارروائی شروع کرے گی۔
اس اقدام کے ذریعے عازمین کی سعودی عرب آمد بعد کے امیگریشن عمل کو روانگی سے پہلے مکمل کیا جائے گا۔
دیگر ایئرپورٹس پر اجلاس:
قبل ازیں، سعودی امیگریشن ٹیم کا 45 رکنی وفد پاکستان پہنچا، جس کا استقبال اسلام آباد انٹرنیشنل ایئرپورٹ پر کیا گیا۔ سعودی ٹیمیں
اسلام آباد
کراچی
اور دیگر ایئرپورٹس پر موجود رہیں گی اور عازمین حج کی سعودی امیگریشن کارروائی پاکستان میں ہی مکمل کریں گی۔
کامیاب حج آپریشن کی یقین دہانی:
اسلام آباد، ملتان اور پشاور ایئرپورٹس پر پری حج 2025 کے اجلاس کامیابی سے مکمل ہوگئے ہیں۔
ترجمان پاکستان ایئرپورٹس اتھارٹی نے کہا ہے کہ تمام ادارے عازمین کی سہولت اور سیکیورٹی کے
بہترین انتظامات کے ساتھ کامیاب حج آپریشن کے عزم کے ساتھ کام کر رہے ہیں۔
